Lífræn framleiðsla er í mikilli sókn í Rússlandi þessi misserin, m.a. vegna aukinnar eftirspurnar heilsumeðvitaðra neytenda í Moskvu og St.Pétursborg. Bændum í lífrænni ræktun fjölgar og búin stækka. Fram til þessa hafa engar samræmdar reglur gilt um þessa framleiðslu í Rússlandi, en nú hafa þarlend stjórnvöld boðað að frá og með árinu 2015 geti lífrænir framleiðendur fengið afurðir sínar vottaðar, auk þess sem að þá verði tekinn upp sérstakur stuðningur við lífræna framleiðslu.
(Sjá frétt Organic News 8. maí).