Um 2020

Síðan 2020.is (tuttugututtugu.com) hefur að geyma dagleg fróðleikskorn um umhverfismál. Síðan er eign Umhverfisráðgjafar Íslands ehf. (Environice). Heiti síðunnar vísar til ártalsins 2020 og mikilvægis þess að einstaklingar, fyrirtæki og stjórnvöld nái að snúa þróun umhverfismála til betri vegar fyrir þann tíma.

Ritstjóri og ábyrgðarmaður 2020.is er Stefán Gíslason, umhverfisstjórnunarfræðingur í Borgarnesi. Stefán ritstýrði á sínum tíma „Orðum dagsins“ á heimasíðu Staðardagskrár 21 á Íslandi. Vefsíðan 2020.is hefur sama megintilgang og „Orð dagsins“, þ.e. að fræða um umhverfismál og sjálfbæra þróun með einföldum og auðskildum hætti. Fræðsla er forsenda þekkingar – og þekking er forsenda framfara í umhverfismálum.

„Orð dagsins“ birtust reglulega á heimasíðu Staðardagskrár 21 á Íslandi frá því í lok ágúst 1999 og til ársloka 2009, samtals í 1.544 skipti. Staðardagskrárverkefninu lauk í árslok 2009 og eftir það var síðunni lokað. „Orðin“ höfðu jafnan að geyma „orð, tilvitnanir, hugmyndir og vangaveltur til að staldra við í erli dagsins“, eins og það var orðað í kynningu. Þarna voru nánar tiltekið á ferðinni stuttir fréttapunktar, oftast ættaðir af erlendum vefsíðum, um umhverfismál og sjálfbæra þróun, ásamt tenglum á ítarlegri umfjöllun. Sérstaða „Orðanna“ fólst einkum í því hversu auðfundnar og skiljanlegar upplýsingarnar voru. Þetta byggði á faglegri umsjón þar sem mikil áhersla var lögð á að birta aðeins upplýsingar frá traustum heimildum og að færa upplýsingarnar í það form að hentaði sem flestum.

Ritstjórnarstefna 2020.is lýtur eftirfarandi meginreglum:

  • Hver færsla 5-15 línur að jafnaði
  • Stuttar tilvitnanir eða útdrættir úr nýjum eða nýlegum fréttum, sem ekki hafa birst áður í íslenskum fjölmiðlum svo vitað sé, (með örfáum undantekningum)
  • Val og túlkun byggð á faglegu mati á áreiðanleika og mikilvægi
  • Skýrt og alþýðlegt málfar
  • Aðlagað íslenskum aðstæðum
  • Byggt á traustum heimildum
  • Heimilda getið og birtur virkur tengill á þær
  • Heimildir aðgengilegar á html- eða pdf-formi, án lykilorðs
  • Ein færsla á dag, 15 daga í mánuði að jafnaði
  • Einkennandi mynd fylgir alla jafna (í hægri jaðri)

Síðan 2020.is (tuttugututtugu.com) er alfarið kostuð af eiganda síðunnar og er óháð hagsmunaaðilum.

Öllum er frjálst að nýta efni sem birtist á 2020.is (tuttugututtugu.com), enda sé heimildar getið.

Myndirnar sem birtast efst á síðunni eru allar úr safni ritstjóra og fjölskyldu hans, eru teknar á Íslandi og sýna íslenskt landslag eða gróður.

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s